Ramblings

All posts in the Ramblings category

4:30 ng umaga sa Pasay-Taft

Published July 9, 2018 by dapithapon

Ganito ang itsura ng Pasay Rotonda bandang 4:30 ng umaga noong Hunyo 24. Tinatago Pasay early morning (3)ng dilim ang tunay na anyo nito.

Maluwag pa ang daloy ng trapiko; konti palang ang mga taong naglalakad sa kalsada; wala pang gaanong basura sa paligid; di pa nagdedelihensiya ang mga isnatser at holdaper, at wala pang mga namamalimos na batang Badjao. Wala ang mga dyip at traysikel na halos ginawa ng terminal ang harap ng Metropoint Mall dahil doon nag-aabang ng mga pasahero. Wala rin sa paligid ang mga “uwak” o mga unipormadong traffic enforcer na kapag nahagip ng ilaw ang sasakyan mo ng tangan nilang flashlight, ihanda ang sarili at baka kotongan ka ng pang-almusal o pang-merienda.

Bago mag-4:30 ng umaga ako naglakad sa kahabaan ng Taft patungong MRT at may nakasalubong akong babaeng taong grasa na mukhang dayuhan na may lahing Black American o African ang itsura at nanggigitata sa dumi, lagkit at grasa ang suot na pinagtagpi-tagping bulaklaking bestida. Fashionista si Ate kahit taong grasa siya. Nakatali ng pula at puting plastik ang ilang hibla ng buhok at may suot na hikaw na halos singlaki ng purselas ng sanggol. Naghahanap siya ng puwestong matutulugan at hindi naman siya nabigo. Pagdating niya sa tapat ng pintuan ng Ukayan doon sa malapit sa LRT Station ay inilatag niya roon ang bitbit na mga karton ng gatas at humiga siya. Binalot ang sarili ng dyaryo na nagsilbing kumot niya.

Pasay early morning (1)Hindi siya nag-iisa sa puwestong iyon. Kapiling niya ang pamilyang homeless na nauna nang humiga roon. May nanay, tatay, lola at tatlong anak na ang bunso ay mukhang 2 years old palang. Pawang mga mahihimbing ang tulog ng mag-anak na ginawa ng tirahan ang ilalim ng LRT Station. Ang nakalatag na mga karton sa bangketa ang nagsilbing mga kama nila. Mayroon silang kariton kung saan nila pinatulog ang baby.

Nagpatuloy ako sa paglalakad at tumawid sa kabilang kalsada papuntang MRT. Tumambad sa akin ang bunton ng basura sa gilid-gilid ng mga poste ng ilaw at pader. Nagmadali ako sa paglalakad habang hindi humihinga para di ko maamoy ang baho ng mga nabubulok na basura. Pero muntik akong matisod sa nakabulagtang lasing sa bangketa ng Metropoint Mall kaya napahinto ako at iniwasan si Manong lasing.

Pagsapit ko sa MRT Station, sarado pa ito kaya pumila pa ako. Nagmuni-mu

Pasay early morning (2)

ni ako habang nakapila at piniktyuran ang tanawin mula sa MRT. Inisip ko na sana hindi hulihin ng mga pulis ang mga natutulog na homeless doon. Buti sana kung mabibigyan nila ang mga ito ng tirahan. Naisip ko rin iyung mamang lasing na nakahiga sa kalsada. Nagising na kaya si Manong? At iyung mga basura, sana makuha na ng mga kolektor. Naitanong ko rin sa sarili ko, bakit walang disiplina sa pagtatapon ng mga basura ang mga taong dumadayo sa Pasay? Kailan kaya lilinis muli ang Pasay?

Pasay early morning (4)Huling beses kong nakitang malinis ang Pasay-Taft noong bumisita si Pope Francis sa Pilipinas. Pati nga mga homeless noon ay di rin makikita sa paligid.

Kailan kaya maayos ng tuluyan ang MRT? Kailan matatapos o mababawasan ang problemang panlipunan? May pag-asa bang mawala ang korupsyon sa bansa? Kailan ako ikakasal? (Chareng lang. Di ko inisip iyan. Haha! 🤣)

Bago ako mapagod sa pagmumuni-muni ay nagbukas na rin sa wakas ang istasyon.

Pumasok akong walang tiyak na sagot sa mga katanungan ko.

 

—Pasay City
June 29, 2018 | 2:34 a.m.

 

(Note: Ang mga larawan ay kuha noong 6/24/2018 | 4:15-4:30 a.m.)

Advertisements

Rebyu-rebyuhan ng Ever Bilena Kris A. lipstick

Published June 6, 2018 by dapithapon

Sinubukan ko iyung lipstick ni Kris A. sa Ever Bilena. Okay naman. Binili ko ito sa BeautyMnl, isang online shop, kasi wala pa nito sa Watsons at Mercury Drug. Dilawan daw kasi si Krissy kaya baka, ehem. Charot lang. 😁

Kris-LipstickAnyway, madulas ang hagod nito sa lips, singdulas ng tiger balm pag pinahid sa sintido pag masakit ang ulo mo. Huwag kang mag-alala, hindi ito kaamoy ng tiger balm kasi mabango naman itong lipstick. Amoy tsokolate. Maganda rin ang packaging kasi parang krayola lang. Click this link for reference ~ <http://everbilena.com.ph/products/kris-matte-matic-lipstick/>

Pag binuksan mo iyung lipstick, kulay dugo na medyo may touch of brown pero kita n’yo naman, mapula ang lips mo pag-apply mo nito. Hindi ka magkakaroon ng glossy lips pag inapply mo ito kasi Matte nga e. Anobeh? 😂

Kris A lipstick trialMatingkad sa akin ang pagkapula nito kasi acidic ako kaya para lang kong nagpahid ng pulang pentel pen sa labi kasi sa unang pahid palang, pigmented na. Tapos matagal din bago magfade. Iyung picture ng lips ko sa itaas ay kinunan ko ng 1:32 p.m. at iyung sa baba naman ay 7:11 p.m. Kung mapapansin ninyo, mapula pa rin naman maski di ako nagretouch.

In short, okay siyang gamitin lalo na kung may dadaluhan kang event o date. Di ka rin magwo-worry na di ka nakapagtoothbrush kasi nakakaputi ng ngipin lalo na itong Love. Hindi nga lang nakakaputi ng budhi at hindi rin ito solusyon sa palpak mong lovelife.

Paalala lang, di ito transfer proof dahil wala itong ino-offer na titulo kundi resibo lang. Anak ng.. ang korni. Sorry na. Haha. At ayun nga, di ito transfer proof kaya magkaka-stain pa rin sa mug kapag uminom ka ng kape.

At saka dalawa palang ang kulay na iniintroduce ng Ever Bilena kaya pag di mo feel ang Love at Life, huwag kang bumili. Magpaka-single ka na lang at alone kaysa pilitin mo ang lips mo na gumamit ng lipstick na di naman bagay basta makiuso lang. Siyempre, ang mema lang. Hehe.

Ayun na nga.🙃😜

Lipstick: Ever Bilena KRIS MATTE MATIC LIPSTICK “Love”
Price: Php 245.00
Rating: 3.8 / 5 stars

%d bloggers like this: