Ramblings

All posts in the Ramblings category

Rebyu-rebyuhan ng Ever Bilena Kris A. lipstick

Published June 6, 2018 by dapithapon

Sinubukan ko iyung lipstick ni Kris A. sa Ever Bilena. Okay naman. Binili ko ito sa BeautyMnl, isang online shop, kasi wala pa nito sa Watsons at Mercury Drug. Dilawan daw kasi si Krissy kaya baka, ehem. Charot lang. 😁

Kris-LipstickAnyway, madulas ang hagod nito sa lips, singdulas ng tiger balm pag pinahid sa sintido pag masakit ang ulo mo. Huwag kang mag-alala, hindi ito kaamoy ng tiger balm kasi mabango naman itong lipstick. Amoy tsokolate. Maganda rin ang packaging kasi parang krayola lang. Click this link for reference ~ <http://everbilena.com.ph/products/kris-matte-matic-lipstick/>

Pag binuksan mo iyung lipstick, kulay dugo na medyo may touch of brown pero kita n’yo naman, mapula ang lips mo pag-apply mo nito. Hindi ka magkakaroon ng glossy lips pag inapply mo ito kasi Matte nga e. Anobeh? 😂

Kris A lipstick trialMatingkad sa akin ang pagkapula nito kasi acidic ako kaya para lang kong nagpahid ng pulang pentel pen sa labi kasi sa unang pahid palang, pigmented na. Tapos matagal din bago magfade. Iyung picture ng lips ko sa itaas ay kinunan ko ng 1:32 p.m. at iyung sa baba naman ay 7:11 p.m. Kung mapapansin ninyo, mapula pa rin naman maski di ako nagretouch.

In short, okay siyang gamitin lalo na kung may dadaluhan kang event o date. Di ka rin magwo-worry na di ka nakapagtoothbrush kasi nakakaputi ng ngipin lalo na itong Love. Hindi nga lang nakakaputi ng budhi at hindi rin ito solusyon sa palpak mong lovelife.

Paalala lang, di ito transfer proof dahil wala itong ino-offer na titulo kundi resibo lang. Anak ng.. ang korni. Sorry na. Haha. At ayun nga, di ito transfer proof kaya magkaka-stain pa rin sa mug kapag uminom ka ng kape.

At saka dalawa palang ang kulay na iniintroduce ng Ever Bilena kaya pag di mo feel ang Love at Life, huwag kang bumili. Magpaka-single ka na lang at alone kaysa pilitin mo ang lips mo na gumamit ng lipstick na di naman bagay basta makiuso lang. Siyempre, ang mema lang. Hehe.

Ayun na nga.🙃😜

Lipstick: Ever Bilena KRIS MATTE MATIC LIPSTICK “Love”
Price: Php 245.00
Rating: 3.8 / 5 stars

Advertisements

Origami sa dyip

Published February 9, 2018 by dapithapon

Dahil (nakakaloka ang) trapik kaninang umaga at nabigo rin akong sumakay sa MRT kasi apat na lang daw ang bagon kaya panay stop entry ang drama kanina, tapos naglakbay ako patungong Glorietta 3 para sumakay sa P2P bus, iisa-isahin ko na lang ang mga dahilan kung bakit nagtutupi ako ng papel.

Una, pantanggal ng stress ito, pramis. Dahil pokus ka sa pagtutupi, pansamantalang mawawaglit sa utak mo ang mga problemang bumabagabag sa’yo. May oras naman na kinakalma nito ang utak at emosyon mo kaya malaki ang naitutulong nito upang makapag-isip ka nang maayos.

Ikalawa, magaan lang ang papel kaya puwedeng madala kahit saan. Maliit lang din ang espasyong inookupa nito sa bag kaya kasyang-kasya maski pouch lang ang bitbit mo.

Ikatlo, di takaw-nakaw ang mga papel. Maaari kang magtupi maski saan ka man nakasakay, sa dyip, bus o tren man iyan. Pag cellphone kasi, dapat doble ingat ka sa paglalabas ng cellphone lalo na sa mga delikadong lugar.

Speaking, naalala ko tuloy iyong mga estudyanteng nakasabay ko dati sa dyip. Last year nangyari ang insidenteng ito. Isang gabi, papunta ako noon sa TriNoMa, sumakay ako ng SM North dyip. Noong natrapik kami papuntang North Avenue bandang Veterans Hospital, panay kalikot sa mga cellphone nila ang mga bagets.

May sumabit sa dyip na apat na batang hamog at hinablot ang cellphone ng estudyanteng nakaupo malapit sa estribo. Nagising ang inaantok kong diwa sa tili ng katabi kong babae, kaya kahit bahala na si Batman, tinadyakan ko ang kamay ng batang hamog para mabitawan niya ang cellphone.

Sumenyas ito sa kasamahan niyang nakasabit sa estribo at sumigaw ng “Batsi na pre! May parak sa oblob!”

Anak ng pating! Napagkamalan pa yata akong parak! Haha.

Anyway, natulala iyong estudyanteng tinulungan ko. Iyung katabi kong babae, umiyak.

Sa masungit na tono, sinabihan ko ang mga kapwa ko pasahero sa dyip na itago ang mga cellphone nila at nasa delikadong lugar kami.

Kung bakit ba naman kasi walang pulis sa lugar na iyon samantalang madalas ang insidente ng nakawan doon. Kulang na lang, nakawin pati ang feelings mo.

Isa lang iyan sa madalas na kinakaharap na panganib ng mga komyuter tuwing mabigat ang daloy ng trapiko.

Idagdag na ang polusyong nilalanghap ng mga pasahero mula sa tambutso ng mga sasakyang bumper to bumper sa kalsada. Kung nakaka-immune lang sana sa mga sakit sa baga ang paglanghap ng maitim na usok, siguro, makakaiwas sa sakit ang mga komyuter.

Nagkakainitan na rin ng ulo ang mga drayber at walang humpay ang pagbusina sa bawat isa. Akala mo naman, luluwag ang trapik sa ginagawa nila.

May oras naman na mahirap sumakay. Dahil sa trapik, di makarating kaagad sa mga terminal o sakayan ang mga dyip at bus kaya ang pila o dami ng mga pasaherong nag-aabang ay humahaba na singhaba ng pila papasok sa studio ng Wowowee.

Tatanggihan ka pa ng mga pinapara mong taxi. Ibang usapin naman ito.

Hep, hep! Baka sabihin ng iba na mag-P2P bus o kaya’y mag-Uber o Grab na lang. Uhm, sorry (not sorry) pero hindi lahat ng mga komyuter ay may sapat na badyet para sumakay sa mga alternatibong ito araw-araw.

Ayun lang. Balik tayo sa pagtutupi ng papel.

Ikaapat, masayang magtupi ng papel at bumuo ng iba’t ibang hugis dahil maeensayo ang visual spatial abilities mo pati ang pag-aanalyze mo sa mga bagay-bagay, isabay mo na rin ang pag-aanalisa sa mga isyu sa lipunan.

Ikalima, masarap sa pakiramdam pag matagumpay mong nabuo ang origami na pinag-aralan mong gawin tulad ng matagumpay mong pagmove on sa pagkabigo sa pag-ibig o naunsyaming lablayp. Chareng. 😜

~  Habang nakasakay sa P2P Bus/ February 8, 2017

#trapiknalangyataangforever #weneedabettertransportsystem#solusyunanangtrapikparahappy

%d bloggers like this: